Kujdes plazhi mund të kthehet në një sërë sëmundjesh për ju

Të gjithë preferojnë të shkojnë në plazhe në këto ditë, por mjekët pediatër sugjerojnë kujdes të vecantë për fëmijët.
Ndër shqetësimet më të shpeshta dhe më të përhapura që ndeshen në këtë periudhë, janë infeksionet e lëkurës. Uji i ndotur i detit apo pishinave, rëra e plazhit, shndërrohen në “burim” sëmundjeje për lëkurën. Infeksionet e lëkurës janë një grup patologjish që kanë një incidencë të shpeshtë dhe prekin një kontingjent të konsiderueshëm personash, gjatë stinës së verës. Plazhi është arsyeja kryesore e shfaqjes së këtyre patologjive. Kontakti i drejtpërdrejtë me faktorët shpërthyes: stafilokoku dhe streptokoku (mikrobe patogjenë), që ndodhen në ujin e detit dhe të pishinave apo rërë, shoqërohet me rritje të rrezikut për shfaqjen e këtyre problemeve me lëkurën. Pastaj sigurisht që sëmundja shfaqet atje ku gjen terren të përshtatshëm, që do të thotë se varet dhe sistemi imunitar, i cili dihet që gjatë verës, tenton të dobësohet dhe për pasojë preket më lehtë nga mikrobe të ndryshme, që qarkullojnë në mjedisin e jashtëm. Çfarë rreziku mund të shfaqet nga kjo sëmundje?
Së pari, rreziku qëndron në faktin se janë ngjitëse. Ato mund të transmetohen lehtë nëse nuk respektohen kushtet higjieno-sanitare, të tilla si përdorimi i të njëjtin peshqir, përdorimi i të njëjtave veshje, etj., dhe sigurisht nëse gjen terren të përshtatshëm për t’u shfaqur. Veç kësaj, mund të ndodhë që sëmundja të përhapët në trup dhe të japë komplikacione që kërkojnë trajtim më të gjatë dhe shenjat të bëhen më të rënda. Një kujdes i vecantë duhet treguar edhe ndaj rrezatimit, i cili mund të shkaktojë jo pak dëme të rënda. Krahas djegies së lëkurës mund të kemi goditje nga dielli, që mund të fillojnë me simptoma si dhembje koke, marrje mendësh, etj. Gjithashtu, nuk përjashtohet mundësia e shfaqjes së tumoreve.