Përmbytet Genova, 7 të vdekur, mes tyre një shqiptare me dy fëmijët

Shtatë persona kanë vdekur sot në qytetin e Genovas në Itali, për shkak të motit të keq dhe lumenjve të baltës që vërshuan mbi tokë për shkak të stuhisë.
Mes shtatë të vdekurve ndodhet një grua shqiptare me dy fëmijët e saj.
Mediat italiane njoftojnë edhe për tre persona të humbur. Vërshimi i ujit dhe baltës në qytet ka paralizuar gjihçka. Shumë nga viktimat u tërhoqën nga uji teksa përpiqeshin të kalonin nga njëra anë e rrugës në tjetrën.
I meparshem: ROME – Lajmifundit – Një shtetase shqiptare humbi jetën sot në Itali si pasojë e rrebeshit dhe motit të keq. Viktima, e cila është identifikuar me e emrin Shpresa Jala, ishte 28 vjeçe.
Mësohet se ajo me gjithë dy fëmijët e saj, 8 dhe 1 vjeç, janë gjetur të vdekur në katet e para të ndërtesave në Ferreggiano.