Tastiera diellore për Mac, iPad dhe iPhone

I pëlqeni tastierat portative? Kompania “Logitech” e krijoi një të re e cila mbushet me rrezet e diellit. Çmimi? Nuk është edhe aq i shtrenjtë, dhe për të do të njoftojmë më poshtë. Tastiera pa tel diellore e “Logitech-ut” ajo K760 për Mac, iPad dhe iPhone mundëson që të shfrytëzoni që të tre këto pajisje në të njëjtën kohë.
Kjo do të thotë që më nuk keni nevojë që ta fikni dhe rindizni përsëri secilën herë kur duhet ta vendosni nga njëra në pajisjen tjetër, për shembull nga Mac-i juaj në iPad apo anasjelltas. Paneli diellor është i vendosur në tastierën pa tel që do të thotë që nuk do të nevojiten më kurrë bateritë për mbushjen e saj.
Për ndryshe, tastiera mund të mbushet direkt nga rrezet e diellit, nëse jeni jashtë, apo nga drita e llambës së tavolinës, nëse jeni në shtëpi apo në zyrë. Kur të mbushet tastiera deri në fund, “Logitech” pohon se ajo mund të qëndrojë deri në tre muaj, nëse koha e përdorimit të saj është mesatarisht tetë orë në ditë.
Tastiera pikërisht në këtë muaj është paraqitur në tregun evropian dhe atë amerikan, ndërsa çmimi i saj është 80 dollarë, njofton Zeri.