Lezhë, vrasja gabimisht e 17-vjeçarit, arrestohet autori i dytë

LEZHE – Lajmifundit – Arrestohet nga policia i dyshuari i dytë për vrasjen e 17-vjeçarit Pashk Moli në Lezhë mëngjesin e sotëm.Pas vënies në pranga të shtetasit Mark Trushi, 80 vjeç, policia arrestoi edhe djalin e tij, shtetasin Petrit Trushi.Ata akuzohen se kanë vrarë me çifte sot në mëngjes, shtetasin Pashk Moli, 17 vjeç, i cili kishte hyrë brenda avllisë së banesës së familjes Trushi.Duke e menduar si grabitës, babai dhe i biri e kanë qëlluar me armë 17-vjeçarin. Viktima mësohet se ka pasur probleme psikologjike për shkak të varfërisë kohët e fundit ndërsa nëna e tij shpjegon se ai nuk ka qenë duke grabitur por duke shkuar tek tezja e tij.
“Më tha po shkoj tek tezja, ka hyrë në banesën e tyre sepse ka menduar se është shtëpia e tezes, nuk ka qenë në terezi këto kohët e fundit”, thotë nëna e Pashk Molit.Nga ana tjetër, dy të arrestuarit për ngjarjen kanë pohuar se i riu ka hyrë në avllinë e tyre për të grabitur.