Angela Martini preferon pushimet në jaht

Angela Martini, modelja shkodrane më e komentuar e momentit, po shijon pushime luksi këto ditë të nxehta. Ajo preferon të pushojë në jaht, në një relaks absolut në det të hapur. Natyrisht që edhe në këto foto tërheq vëmendjen me pamjen e saj superseksi, duke u larguar për pak kohë nga zhurma mediatike dhe ftesat për kopertina të nxehta revistash.

Pak kohë më parë ajo u shfaq në kopertinën e revistës “Maxim”, si gjithmonë me linja ideale. Po ashtu, së fundi ajo u prezantua si imazhi i koleksionit më të ri të veshjeve të Sherrin Hill, e fotografuar nga Fadil Berisha. Zakonisht çdo verë, Angela, e cila jeton në Shtetet e Bashkuara të Amerikës, preferon të vizitojë Shqipërinë, por këtë vit ende nuk ka udhëtuar drejt vendlindjes. Ndoshta këtë udhëtim modelja e njohur e ka shtyrë për në vjeshtë, ku nisin dhe ofertat e para, të cilat ajo i merr në konsideratë, kur është fjala për Tiranën. PANORAMA PLUS