Ditë të vështira për piratët e internetit

nga **Master** Sat Mar 10, 2012 7:45 pm

Vendimi i Gjykatës Supreme suedeze për të mos shqyrtuar apelimin e themeluesve të faqes The Pirate Bay, të cilët janë dënuar për shkeljen e të drejtave të autorit, nuk është një surprizë e mund të sjellë efekte të tjera.
Gjykata Supreme suedeze vendosi të mërkurën të mos marrë në shqyrtim apelimin e themeluesve të faqes online The Pirate Bay, që është faqja më e madhe në botë ku mund të shkarkosh gjithçka pa pasur nevojë të paguash.
Carl Lundstöm, Fredrik Neij dhe Peter Sundes i’u mohua apeli. Së bashku me themeluesin tjetër Gottfrid Svartholm Warg, i cili ishte i sëmurë dhe nuk u paraqit në gjykatë, janë dënuar nga 4 deri në 10 vjet burg dhe një gjobë prej 6,8 milion dollarësh.
Dënimi i tyre me burg dhe gjoba të rënda është edhe një sinjal për të gjithë ata që kanë në pronësi faqe të tilla, sepse gjykatat do t’i ndëshkojnë për të mbrojtur të drejtat e autorit.gazetajone