Studimi, 347 milionë njerëz kanë diabet

Diabeti tani prek rreth 350 milionë njerëz në mbarë botën, dhe zyrtarët e shëndetësisë janë duke fajësuar fast food-et e Perëndimit. Një analizë e publikuar online ditën e shtunë nga "Lancet" tregon se problemi është shumë më i përhapur nga sa mendohej më parë.

Studimi 3 vjeçar i financuar nga Organizata Botërore e Shëndetësisë dhe fondacioni Bill & Melinda Gates, ekzaminoi nivelin e glukozës në gjak në 2.7 milion subjekte të moshës 25 vjeçare dhe më të vjetër nga të gjitha anët e globit. Hulumtuesit konstatuan se 347 milion njerëz kanë diabet.

Ata vlerësojnë se 10 për qind e meshkujve dhe 9 për qind e femrave janë diabetikë.

Ndër vendet e zhvilluara, nivelet më të larta të glukozës në gjak ishin në SHBA, Zelandë të Re dhe Spanjë, ndërsa më të ulëtat në Holandë, Austri dhe Francë. /albeu.com/